بنگلورو 18اپریل (ایس او نیوز؍یواین آئی )کرناٹک کی 224اسمبلی نشستوں پر 12مئی کوہونے والے انتخابات کے سلسلہ میں حکمران جماعت کانگریس اور بی جے پی کے درمیان الفاظ کی جنگ شروع ہوچکی ہے ۔آج وزیراعلیٰ سدرامیا نے اصل اپوزیشن جماعت بی جے پی کو مجرمین کی پارٹی قرار دیا۔انہوں نے میڈیا سے بات کرتے ہوئے کہا کہ بی جے پی مجرموں کی پارٹی ہے تاہم ان میں تمام مجرم نہیں ہیں لیکن ان کی سوچ مجرموں جیسی ہے ۔وزیراعلی نے مرکزی وزیراننت کمار کے حادثہ کے پس پردہ سازش کے پہلو کو مسترد کردیا۔انہوں نے کہاکہ ان کی جان کو کوئی خطرہ نہیں ہے ۔